من حكاية كاهن
كان فى دير على البحر مكنش فى حد بيزوره ففكر راهب من رهبان الدير.
بعمل صليب كبير وعلية تمثال للسيد المسيح.
عشان كل البحارة اللى بيعدوا من المنطقة يعرفوا انه يوجد هنا دير .
وعملوا الصليب والتمثال وكان فى غاية الروعة والجمال.
وكل البحارة اللى بيعدوا من المنطقة بيشفوا القبة اللى عليها الصليب ويروحوا
يسجدوا ويصلوا تحت الصليب .
وكان فى راهب من الدير عجبة خالص الصليب وشكل التمثال فقرر ان يصلى تحته
فكان كل يوم يجى ويصلى تحت الصليب .
ويطلب كل يوم طلبه واحدة انه يعلق على الصليب ولو ليوم واحد علشان يشوف قد اية
ربنا اتعذب على عود الصليب .
فكان يكرر نفس الطلبه كل يوم وفى يوم من الايام وهو بيصلى فرد عليه تمثال رب المجد
وقال له انا سمعت الى طلبتك وانا موافق انك تطلع مكانى على الصليب لمدة يوم واحد
بس بشرط انك مهما تسمع او تشوف ملكش دعوة ومتتكلمش الراهب وافق على الشرط
وفى تانى يوم الصبح ولما فتح عيناة وجد نفسه على الصليب مكان رب المجد.
بعدها دخل الدير رجل بحار غنى جدا وهو بيسجد امام الصليب محفظتة وقعت ومحسش
بيها وصلى وذهب الراهب شاف كده بس مقدرش يتكلم علشان افتكر وعده مع الله
بعد شويه دخل واحد فقير بيصلى تحت الصليب وبيقول يارب انا محتاج فلوس
علشان اولادى وانا عليا دين عايز اسده فوجد محفظة البحار الغنى
فافتكر ان ربنا بعتهاله فشكر ربنا واخذها والراهب كان عايز ينزل يقول له ان
الحفظة مش بتعتك افتكر وعده مع الله
ومقدرش ينزل بعدها بشويه دخا راجل يصلى تحت الصليب ويقول من فضلك يارب
هدى الموج والريح انهاردة.
علشان الحق اولادى ومراتى علشان عندى التزمات كتير متوقفه على وصول المركب
وهو بيصلى لقى البحار الغنى احضر البوليس علشان المحفظة بتعته
بيقلولة المحفظة وقعت هنا يبقى انت اللى اخذتها انت لازم تتسجن.
او تسدد الفلوس ففى هذه الحظة الراهب مقدرش يستحمل فنزل من على الصليب
وحكى كل اللى شافه للبوليس علشان يتركوا الراجل
فتركه البوليس يسافر فقبضوا على الراجل الفقير اللى اخد المحفظة وبعد
كده رجع الراهب يصلى تانى تحت الصليب.
لقا ان ربنا مش راضىء يكلمه فقعد يصلى بدموع ربنا اتحنن علية وكلمه
الراهب سال ربنا انت ليه زعلان منى انا عملت الصح؟؟
رد عليه رب المجد وقال له انت خالفت وعدك معايا واتكلمت
البحار الغنى اللى وقعت منه الفلوس ده كان رايح يمشى بيها مع واحده غير مراته
وخليته يعمل كده لما رجعتهاله والراخل الفقير اللى اخذت منه الفلوس انا كنت بعتها له
علشان هو محتجها والراجل اللى انت انقذته من السجن
انا كنت هدخله السجن لحد لما المركب تفوته وبعد كده كنت هطلعه
انت خليته يلحق المركب لاكن انا هعرف انجيه من الموت وانقذ بيته واولاده
يارب مفقولش ربنا ليه بيعمل معانا كده او ان ربنا ان ربنا نسينا علشان بيتاخر
علينا فى استجابته..
ربنا لو اتأخر علينا فى طلب اكيد له حكمة فى كدة واكد هو مخبى لينا حاجة احلى بكتيير..
0 comments :
Post a Comment